სპორტი

სპორტი აჭარაში

Archive for April, 2010

გურია-ბათუმი 1:0

Posted by amikoshka on April 23, 2010

გურია-ბათუმი 1:0

1:0 ხ. მგელაძე (44-პენ)

გურია: გ. ძაძამია, გოგიბერიძე, რ. კუკულაძე, კ. ძაგანია, ქურიძე, ხ. მგელაძე (84. შეწირული), მ. კოტრიკაძე (64. კვერენჩხილაძე), კილაძე, მელიქიშვილი, ს. ურუშაძე, ტ. კუკულაძე (68. წილოსანი).

სათადარიგოები: მ. გოგუაძე, ზ. რაზმაძე, ბრეგაძე.
მთავარი მწვრთნელი: გია ჩხაიძე.

ბათუმი: კეკელიძე, ფარტენაძე, ხუხია, გ. ხაჩიძე (26. ლ. რამიშვილი), დემურაძე, ზვ. ლობჟანიძე, თ. ბერიძე (51. ჭკუასელი), ბეჟანიძე (51. ბოხუა), მ. ჯორბენაძე, ხარაბაძე, ი. ტუღუში.

სათადარიგოები: გ. გოგიტიძე, ზოიძე, ლ. კალანდაძე, კაკალაძე.
მთავარი მწვრთნელი: ნუკრი გოგიტიძე

გაფრთხილება: ბერიძე, დემურაძე, ჯორბენაძე, ი. ტუღუში, ქურიძე
არბიტრი: ა. კრიჭაშვილი

Posted in ფეხბურთი | Tagged: | Leave a Comment »

ბათუმი მედლებისთვის ბრძოლას გამოეთიშა

Posted by amikoshka on April 21, 2010

ბათუმი 87:88 შსს

23:24 30:21 20:25 14:18

ბათუმი: მაისურაძე (4), (ლეჟავა 26),თავართქილაძე (13), იმნაძე (22 ქულა, 12 მოხსნა), როდუმტა (12); კეშელავა (8 ქულა, 10 მოხსნა), ნინუა 2

შსს: ი. ბერიშვილი (15), ნიკოლაძე (16), ლაფანაშვილი (12), მარკოიშვილი (8), ათუაშვილი (14), დ. ბერიშვილი (9), კორკოტაძე (2) , შერმადინი (10), სუხიშვილი (2)

მსაჯები: მაკა კუპატაძე, დავით ბერეკაშვილი

კომისარი: როლანდ ხომერიკი

როგორც მოსალოდნელი იყო, „ბათუმისა“ და შსს–ს მეოთხედფინალის მესამე, გადამწყვეტი შეხვედრა დაძაბული გამოვიდა. მთელი თამაშის განმავლობაში იგრძნობოდა, რომ შეხვედრის ბედი ბოლო წამებზე გაირკვეოდა და ასეც მოხდა.

იყო პერიოდი, როცა ბათუმელებმა მესამე მეოთხედში ხელჩასაჭიდი უპირატესობა მოიპოვეს, მაგრამ შსს–მ გაბათილება მოახერხა, რისი ერთ–ერთი მთავარი მიზეზი ბათუმელთა მოკლე სათადარიგოთა სკამი იყო.

მასპინძლებს არ ჰყავდათ ისეთი ძლიერი სამარქაფო მოთამაშეები, როგორიც თბილისელებს, ამიტომაც ძირითადი ხუთეულის მოთამაშეებს ხანგრძლივად უწევდათ მოედანზე ყოფნა. შესაბამისად, მათ პერსონალური შენიშვნები დაუგროვდათ და მწვრთნელს ხშირად უწევდა დავით იმნაძის და პლასიდე როდუმტას მოედნიდან გაყვანა.

მართალია, შსს–ს მესამე მეოთხედში 5 პერსონალურის გამო გაუვარდათ გიორგი მარკოიშვილი, მაგრამ თბილისელებმა მას სათანადო შემცვლელი მოუნახეს. რაც შეეხება ბათუმელი დავით იმნაძის მოედნიდან გავარდნას, ამ ფაქტს ბათუმელებისთვისლიდერობის დაკარგვა მოჰყვა. თამაშის ბოლო წუთებმა უაღრესად დაძაბულად ჩაიარა. შსს–მ ბოლო წუთზე მოახერხა 4 ქულით დაწინაურება, თუმცა მასპინძლებმა ლამის შეუძლებელი შესძლეს. ბესო ლეჟავამ სამიანი ჩააგდო, შემდეგ კი ტარიელ თავართქილაძემ ჩაჭრა და ლეჟავამ სწრაფ შეტევაში მორიგი 2 ქულა მიითვალა, რითაც ბათუმელები საფინალო სირენამდე 21 წამით ადრე ქულით დააწუნაურა – 87:86.

აქ კი საკუთარი სიტყვა თქვა გამოცდილმა დავით ბერიშვილმა, რომელმაც ინდივიდუალური გარღვევა შედეგიანი ორქულიანით დააგვირგვინა და 88:87 თბილისელების სასარგებლოდ. მასპინძლებს ბოლო შეტევისთვის 12 წამი ჰქონდათ, მაგრამ ლეჟავას შორეული ორქულიანი შსს–ს კალათში არ ჩაეშვა.

მაშ ასე, შსს ნახევარფინალში გავიდა და იქ რუსთავის „ენერჯი–ინვესტს“ შეხვდება.

მესამე შეხვედრა დასჭირდა სსაუ–სა და „დინამოს“ მეოთხედფინალურ სერიას. დინამოელებმა სერიის მეორე მატჩში მოულოდნელი მარცხი აგემეს რეგულარულ ჩემპიონატში მეორე ადგილზე გასულ სსაუ–ს, თუმცა ნამდვილი სენსაციის მოხდენა ვეღარ მოახერხეს.

დღეს, თბილისის სპორტის სასახლეში სსაუ–მ 98:91 დაამარცხა „დინამო“ და ნახევარფინალში გავიდა, სადაც თბილისის სახელმწიფო უნივერსიტეტის გუნდს შეხვდება.

ნახევარფინალური სერიები 25 აპრილს დაიწყება.

http://www.superleague.ge

Posted in კალათბურთი | Tagged: | Leave a Comment »

საქართველოს ეროვნული ჩემპიონატი სპორტულ ტანვარჯიშში

Posted by amikoshka on April 16, 2010

ორი დღის მანძილზე ბათუმის ტანვარჯიშის დარბაზში  მიმდინარეობდა საქართველოს ეროვნული ჩემპიონატი სპორტულ ტანვარჯიშში, რომელშიც საქართველოს საუკეთესო ტანმოვარჯიშეებთან ერთად  უკონკურსოდ აზერბაიჯანის ვაჟთა გუნდი მონაწილეობდა.
ქალთა შორის აბსოლუტური ჩემპიონის წოდება მოიპოვა ეროვნული ნაკრების წევრმა ქეთევან ბოლქვაძემ, რომელიც მიმდინარე წლის 14-15 მაისს მონაწილეობას მიიღებს მოსკოვში მსოფლიო თასის I ეტაპზე.
კაცთა შორის პირველი ადგილი თბილისელმა პაატა ნოზაძემ დაიკავა, მეორეზე ბათუმელი გია საყვარელიძე გავიდა.
კაცებში მრავალჭიდში გამარჯვებული გახდა აზერბაიჯანელი ხალილ ბელი ახმედი.
გამარჯვებული სპორტსმენები დააჯილდოვა აჭარის ა.რ. განათლების, კულტურისა და სპორტის მინისტრმა ბატონმა მათე ტაკიძემ.

Posted in სხვადასხვა | Tagged: | Leave a Comment »

აჭარის ღია ჩემპიონატი მშვილდოსნობაში

Posted by amikoshka on April 16, 2010

ანგისის სპორტკომპლექსის ბაზაზე გაიმართა აჭარის ღია ჩემპიონატი მშვილდოსნობაში, რომელშიც აჭარის 21 და თბილისის 18 მშვილდოსანი მონაწილეობდა.

კაცები

I თორნიკე რიჟამაძე თბილისი
II სანდრო აზნაურიძე აჭარა
III დავით ჭელიძე   თბილისი

ქალები

I ოლგა ლადიგინა  აჭარა
II ასმათ დიასამიძე  აჭარა
III ქრისტინე ესებუა  თბილისი

15-29 აპრილს ქალთა ეროვნულ ნაკრებს ანგისის კომპლექსურ ბაზაზე ჩაუტარდება ორკვირიანი საწვრთნო შეკრება და 1-8 მაისს მონაწილეობას მიიღებენ ხორვატიის ქალაქ პორეკში მსოფლიოს თასის პირველ ეტაპზე.

გამარჯვებული სპორტსმენები დააჯილდოვა აჭარის ა.რ. განათლების, კულტურისა და სპორტის მინისტრმა ბატონმა მათე ტაკიძემ და საქართველოს პარლამენტის ვიცე სპიკერმა ბატონმა ასლან თავდგირიძემ.

http://www.moecs.ge

Posted in მშვილდოსნობა | Tagged: | Leave a Comment »

საქართველოს ჩემპიონატი მაგიდის ჩოგბურთში

Posted by amikoshka on April 16, 2010

საქართველოს ჩემპიონატზე მაგიდის ჩოგბურთში ჭაბუკებსა და ახალგაზრდებს შორის წარმატებით იასპარეზა აჭარის გუნდმა.

საერთო ჯამში, აჭარის გუნდის წარმომადგენლებმა ჩემპიონატზე 14 ოქროს, 9 ვერცხლისა და 12 ბრინჯაოს მედალი მოიპოვეს.

სპორტსმენებს დღეს აჭარის განათლების, კულტურისა და სპორტის მინისტრის მოადგილე შეხვდა და გამარჯვება მიულოცა.

გამარჯვებული და პრიზიორი სპორტსმენები მონაწილეობას მიიღებენ მაგიდის ჩოგბურთის საერთაშორისო ტურნირში, რომელიც 29 აპრილიდან 3 მაისის ჩათვლით ბათუმში გაიმართება.ჩემპიონატში სომხეთის, თურქეთის, აზერბაიჯანის, კვიპროსის, ბულგარეთისა და საქართთველოს გუნდები მიიღებენ მონაწილეობას.

http://www.adjaratv.ge

Posted in სხვადასხვა | Tagged: | Leave a Comment »

”დინამო” ბათუმი 2.-0 ”ნორჩი დინამოელი” თბილისი

Posted by amikoshka on April 16, 2010

დღეს საქართველოს ჩემპიონატის პირველი ლიგის მორიგი კალენდარული მატჩები გაიმართა.

35-ე საფ.სკოლა 0-1 ტორპედო
IBSU 3-0 კოლხეთი ხ.
კოლხეთი ფ. 2-0 ჩიხურა
დინამო ბათ 2.-0 ნორჩი დინამოელი
მეშახტე 0-4 გურია
მესხეთი 1-1 ჭიათურა
მერცხალი ოზურგეთი ისვენებდა

ჰერეთი – მერანი გაიმართება ხვალ 17 აპრილს

Posted in ფეხბურთი | Tagged: | Leave a Comment »

ბათუმმა საქმე მესამე მატჩამდე მიიყვანა

Posted by amikoshka on April 16, 2010

ბათუმისა და შსს-ს  წყვილში გამარჯვებული მე-3 მატჩში გადაწყდება. მას შემდეგ, რაც 14 აპრილს შინ წააგეს, ბათუმელებმა დღეს შსს თბილისში 95:84 დაამარცხეს და 20 აპრილს აჭარაში გადამწყვეტი შეხვედრა გაიმართება.

შეხვედრა ბათუმელთა უპირატესობით დაიწყო. დავით იმნაძისა და ბესიკ ლეჟავას ძალისხმევით სტუმრებმა პირველი ტაიმი 12 ქულით მოიგეს, თუმც შემდეგ იმნაძემ მეოთხე პერსონალური მიიღო და სათადარიგოებში გადაინაცვლა. ამის ისარგებლეს შედარებით გრძელი სათადარიგოთა სკამის მქონე „ძალოვნებმა“ და მესამე მეოთხედშივე მოიპოვეს ლიდერობა, რაც ძირითადად გიორგი ნიკოლაძის და ირაკლი ბერიშვილის აქტიურობას მოჰყვა. მესამე მეოთხედი მაინც ბათუმელებმა მოიგეს (63:62), თუმც გადამწყვეტ ათწუთეულში ყველაფერი სტუმართა სასიკეთოდ წარიმართა. მოედანს მობრუნებულმა იმნაძემ ფარქვეშ ფრთები გაშალა, ლაშა კეშელავამ სამქულიანი სამიზნე გაისწორა, ხოლო ბესიკ ლეჟავა ყველა ამბლუაში კომფორტულად გრძნობდა თავს – შორიდანაც ლაშქრავდა შსს-ს კალათს და შედეგიან სწრაფ გარღვევებსაც ახორციელებდა.

თამაშის დასრულებამდე 3,5 წუთით ადრე ბათუმელთა ლიერობამ 13 ქულას მიაღწია და ყველაფერიც აქ გაირკვა. დასკვნითმა წუთნახევარმა აზრი დაკარგა და მოთამაშეებმა სიარულში ჩაამთავრეს შეხვედრა.

მესამე, გადამწყვეტი შეხვედრა, რომლის გამარჯვებულიც ნახევარფინალის საგზურს მოიპოვებს, 20 აპრილს ბათუმში გაიმართება.

http://www.superleague.ge

Posted in კალათბურთი | Tagged: | Leave a Comment »

გადამწყვეტი ბრძოლა ჩემპიონობისთვის

Posted by amikoshka on April 14, 2010

დღეს იწყება სუპერლიგის პლეი ოფი. 8 საუკეთესო გუნდი მეოთხედფინალში დაწყვილდნენ და ჩემპიონობისთვის გადამწყვეტ ბრძოლას იწყებენ. 4 წყვილიდან ყველაზე საინტერესო სავარაუდოდ „ბათუმისა“ და შსს–ს დაპირისპირება უნდა იყოს.

ერთადერთი გუნდი, რომელიც პლეი ოფში ვერ გავიდა, „ჭიათურაა“, რომელმაც მე–9 ადგილი დაიკავა. რაც შეეხება „ავიამშენს“, ეგ გუნდი ფორმალურად წერია ცხრილში, ისე კი პირველი წრის შემდეგ დაიშალა და მეორე წრეში ყველა მეტოქესთან ტექნიკური წაგება ჩაეთვალა. მეოთხედფინალში დაწყვილების პრინციპი ტრადიციული იყო: შედარებით მაღალ საფეხურზე გასული გუნდები შედარებით დაბლა მყოფებს შეხვდნენ. ნახევარფინალში გავა ის გუნდი, რომელიც 2 გამარჯვებას მოიპოვებს.

ბათუმი – შსს (რეგულარულში:94:83, 75:86)

დააკვირდით ამ გუნდებს შორის რეგულარულ ჩემპიონატში ნათამაშევ მატჩებს. მეტოქეებმა თითო თამაში ერთნაირი სხვაობით – 11 ქულით მოიგეს. ორივე გუნდმა თანაბარი ქულები დააგროვა და შესაბამისად, ბოლო ტურამდე ვერ გაირკვა, რომელი მათგანი გავიდოდა მე–4 ადგილზე. საქმე იმაშია, რომ თუკი პირად შეხვედრებში ქულებიც თანაბრადაა განაწილებული და მიღებულ–ჩაგდებული ბურთებიც, მაშინ უპირატესობა საერთო ბურთების შეფარებას ენიჭება. ამაში კი ბათუმელებმა იძალეს და მეოთხე ადგილთან ერთად შსს–სთან მეოთხედფინალურ სერიაში მოედნის უპირატესობა მოიპოვეს.

სწორედ ამ წყვილში ვარაუდობენ ყველაზე დიდ ბრძოლას. ბათუმელებს მოედნის უპირატესობა უმაგრებთ ზურგს, რაც იმას ნიშნავს, რომ თუკი სერიაში ანგარიში 1:1 გახდება, მესამე, გადამწყვეტი შეხვედრა ბათუმში გაიმართება. პირველი მატჩი ხვალ ბათუმში 18 საათზე დაიწყება, ხოლო მომდევნო შეხვედრას თბილისის სპორტის სასახლე 16 აპრილს უმასპინძლებს და ეს მატჩი პირველი არხით პირდაპირ ეთერში გადაიცემა.

ენერჯი–ინვესტი – სამედიცინო–აკადემია106:60, 90:49)

რეგულარული ჩემპიონატის მომგები „ენერჯი–ინვესტი“ სუპერლიგის დებიუტანტს, მე–8 ადგილის დამკავებელ „სამედიცინო–აკადემიას“ შეხვდება. ამ წყვილში უდავო ფავორიტი რუსთავული გუნდია, მედიკოს–აკადემიელებისთვის კი ეს იქნება გამოცდილების მისაღები მატჩები. მათი გუნდი ხომ მთლიანად 17–18 წლის ბიჭებითაა დაკომპლექტებული. რეგულარულ ჩემპიონატში რუსთაველებმა ორივე მატჩი მოუგეს „სამედიცინო–აკადემიას“:.

სსაუ – დინამო (119:59, 114:95)

ამ წყვილში ფავორიტი აგრარული უნივერსიტეტის გუნდია (სსაუ). მიხეილ კობეშავიძის გუნდმა დინამოელები რეგულარული ჩემპიონატის ორივე მატჩში იოლად დაამარცხა. სავარაუდოდ, არც მეოთხედფინალში უნდა გაუჭირდეთ აგრარელებს, თუმცა პლეი ოფში თამაშს სხვა განცდა აქვს და დინამოელებიც ალბათ მაქსიმუმს გაიღებენ, რათა ღირსეული ბრძოლა გაუმართონ გასული წლის ვერცხლის პრიზიორ სსაუ–ს.

თსუ– სოხუმი (107:77, 90:69)

სოხუმელებმა რეგულარულ ჩემპიონატში იოლად თითქმის არც ერთ ფავორიტს არ დაანებეს გამარჯვება. სხვანაირად რომ ვთქვათ, არც ერთ ლიდერს სოხუმთან იოლი გასეირნება არ ჰქონია. აქედან გამომდინარე, სავარაუდოა, რომ სოხუმელები თსუ–სთან მეოთხედფინალურ სერიაშიც მაქსიმუმს გაიღებენ, რაც უპირველესად მაყურებელთა წისქვილზე დაასხავს წყალს. რაც უფრო საინტერესო იქნება თამაშები, მაყურებელი მეტად კმაყოფილი დარჩება.

ისიც უნდა ითქვას, რომ თსუ–ს ჩემპიონობის ამბიცია აქვს და „სოხუმისგან“ ალბათ არანაირ საშიშროებას არ მოელის. ანუ ამ ბრძოლისთვის ფსიქოლოგიურად განწყობა სოხუმელებისთვის უფრო იოლია, ვიდრე სტუდენტებისთვის. თუმცა ძალა აღმართს ხნავსო, ნათქვამია და  ნუგზარ ჭეიშვილის გუნდს ნახევარფინალში გასვლის „სოხუმზე“ ბევრად მეტი შანსი აქვს.

http://www.superleague.ge

Posted in კალათბურთი | Tagged: | Leave a Comment »

თბილისი-2 0:3 ბათუმი

Posted by amikoshka on April 13, 2010

12 აპრილს დიდი ჯიხაიშის აგრარული კოლეჯის სპორტულ დარბაზში დაიწყო საქართველოს ჩემპიონატის მეორე ტური ქალ ფრენბურთელთა შორის. რეგულარული ჩემპიონატი ორ ტურად ტარდება, რის შემდეგაც გამოვლინდება 4 საუკეთესო გუნდი, რომლებიც ფლეი ოფში დაუპირისპირდებიან ერთმანეთს.

ჩემპიონატში პირველ ადგილზე გასული ნახევარფინალში მეოთხეადგილოსანს შეხვდება, მეორე და მესამეადგილოსნები კი ერთმანეთში გაარკვევენ ფინალისტის ვინაობას. ფინალური ტური 28-29 აპრილს ქუთაისის სპორტის სასახლეში გაიმართება.

პირველი ეტაპის შემდეგ, რომელიც თბილისში ჩატარდა რეგულარულ გათამაშებას “თბილისი” ლიდერობს. საყურადღებოა, რომ თბილისელებმა დედაქალაქში სხვა მეტოქეებთან ერთად ბოლო წლების უცვლელი ჩემპიონი დიდ ჯიხაიშის”ჯიკო” 3:0 დაამარცხეს. დიდი ჯიხაიშელები რევანშისთვის არიან განწყობილნი და წლეულს ამ გუნდებს შორის დიდი საჩემპიონო ბრძოლაა მოსალოდნელი.

ჩემპიონატში გუნდები კენტად (7) არიან და”თბილისს” 12 აპრილს დასვენება მოუწია. მისმა მთავარმა კონკურენტმა და მოქმედმა ჩემპიონმა”ჯიკომ” კი ახალგაზრდა ფრენბურთელებით დაკომპლექტებული”ქუთაისი” იოლად დაამარცხა. დანარჩენი შეხვედრებიც მოსალოდნელი სცენარით განვითარდა. საკმაოდ მოძლიერებულმა”ბათუმმა”, რომელმაც “ჯიკოს” ყოფილი მოთამაშეები დაიმატა “თბილისი 2”-ს იოლად მოუგო (3:0). შედარებით დაძაბული გამოდგა “ბოლნისისა” და “დუშეთის” დაპირისპირება, თუმცა საბოლოოდ გამარჯვება შედარებით გამოცდილ ბოლნისელებს დარჩათ (3:1).

http://www.sport.gov.ge

Posted in სხვადასხვა | Tagged: | Leave a Comment »

საქართველოს ჩემპიონატი I ლიგა. XXII ტური: ტორპედო 1:1 ბათუმი

Posted by amikoshka on April 13, 2010

0:1 გ. ხარაბაძე (2), 1:1 ქარქუზაშვილი (18).

ტორპედო: მიგინეიშვილი, ფარულავა, ქარქუზაშვილი, გ. ჩხეტიანი, ბ. ჩხეტიანი (72. ცაგარეიშვილი), გურული, ხანიშვილი (46. ლომაშვილი), ლ. ვაშაკიძე (46. მ. ჩხარტიშვილი), ლ. კირკიტაძე, რ. კვერნაძე, ი. ცნობილაძე.

სათადარიგობი: ი. კუჭუხიძე, ბ. ბიბილაშვილი, ჭანკვეტაძე, კუხიანიძე.

მთავარი მწვრთნელი: გია გიგატაძე

ბათუმი: კეკელიძე, ფარტენაძე, ბაჯელიძე, ხუხია, ლ. მახარაძე, ზვ. ლობჟანიძე, მალაზონია (65. გ. გოგიტიძე), ე. გრიგალაშვილი, გ. ხარაბაძე, ი. ტუღუში (55. დემურაძე, მ. ჯორბენაძე (75. თ. ბერიძე).

სათადარიგოები: ჭკუასელი, ლ. კალანდაძე, ლ. რამიშვილი, თ. კაკალაძე

მთავარი მწვრთნელი: ამირან გოგიტიძე

გაფრთხილება: კეკელიძე, ბაჯელიძე, გ. გოგიტიძე, ბერიძე.

არბიტრი: ა. კრიჭაშვილი

23 ტური -15 აპრილი, ხუთშაბათი

1. 35-ე საფ.სკოლა-ტორპედო2008
16 აპრილი, პარასკევი
2. IBSU-კოლხეთი ხ.
3. კოლხეთი ფ.-ჩიხურა
4. დინამო ბათ.-ნორჩი დინამოელი
5. მეშახტე-გურია
6. მესხეთი-ჭიათურა
17 აპრილი, შაბათი
7. ჰერეთი-მერანი
მერცხალი ისვენებს
დასაწყისი 16:00 საათი

Posted in ფეხბურთი | Tagged: | Leave a Comment »